ಅವಳು
ರಚನೆ : ಚಂದ್ರಿಕಾ ಬಿ ಹೆಚ್
----------------------------------
ಆ ದಿನ ರಾತ್ರಿ ಸಾಗಿತ್ತು ನಮ್ಮೂರ ಕರಗ ನೆರೆದಿದ್ದರು ಬೀದಿ ಕೊನೆಯಲ್ಲಿ ಬಂಧು-ಬಳಗ ಕೂಡಿತು ಕಂಗಳು ಅದಕೆ ಸಾಕ್ಷಿಯಾಯಿತು ಬೆಳದಿಂಗಳು ಜೀವನದ ರಥವನೆಳೆಯಲು ಸಜ್ಜಾಯಿತು ಎರಡು ಮನಸುಗಳು ಸಂಸಾರದ ಅಗ್ಗಿಷ್ಟಿಕೆಯಲ್ಲಿ ಬೇಯಲು ಏಕಿಷ್ಟು ತವಕ ಓ ಮನವೇ! ತಾಳ್ಮೆಯೆoಬ ಸೌದೆ ಉರಿದುಹೋಗಲು ಸಾಕಲ್ಲವೇ ಕ್ಷಣಿಕ ಹೊಟ್ಟೆ ತುಂಬಿ-ಬಿರಿಯುವಷ್ಟು ಒಲವಿನ ಔತಣ ಬಡಿಸುವ ಕೌತುಕ ನಾದಿನಿಯ ಈರ್ಷೆಯ ತಣ್ಣೀರು ಮಾಡುತಿತ್ತು ಇದರ ಕುಹಕ ಸಾವಿರ ಕನಸುಗಳ ಮಾಲೆ ಹೊತ್ತು ತುಳಿದರೇನು ಸಪ್ತಪದಿ ಭರಪೂರ ಕಷ್ಟಗಳ ಎದುರಿಸಲಿಲ್ಲವೇ ಆ ತಾಯಿ ದ್ರೌಪದಿ ಅಕ್ಕನ ಈರ್ಷೆಯ ಕಿಡಿಗೆ ಆರಿತು ತಮ್ಮನ ಬಾಳ ಜ್ಯೋತಿ ಹತಾಶೆಯಲ್ಲಿ ಹಿಡಿದು ಕೂತ ಬಿಟ್ಟುಹೋದ ತನ್ನವಳ ಮೂಗುತಿ
----------------------------------
ನೋಂದಣಿ ಐಡಿ : KPFS2-8423