ದೇವರು
ರಚನೆ : ಶಾಶ್ವತ ಕೆ
----------------------------------
ಕರ್ಪೂರವ ಕರಗಿಸೋ ಭಕ್ತಿಯಲಿ ನಾ ಒಲವ ಕಂಡೆ. ನೀರವತೆಯ ನಿಸ್ವಾರ್ಥ ನಿನಾದದಲಿ ನಾ ಬೆಳಕ ಕಂಡೆ. ಎಲ್ಲೋ ನೆಲ ಸೋಕಿ ಸಾಕ್ಷಾತ್ಕಾರಕೆ ಕಾಯುವ ಪಾರಿಜಾತದಿ ನಾ ಮುಕ್ತಿ ಕಂಡೆ. ತೇಯ್ದ ಗಂಧವು ತೊಯ್ಯುವ ಹನಿಗೂ ನೀಡುವ ಗಮ್ಮಲ್ಲಿ ನಾ ಗೋಪ್ಯತೆ ಕಂಡೆ. ಮಂದ ದೀಪವು ಮಗ್ನ ಮಾಡುವ ಮೌನದಿ ನಾ ಸದ್ದು ಕಂಡೆ. ಆಕಾರ ನಿರಾಕಾರದ ಆಸ್ಥೆಯಲಿ ನಾ ಸಾಕಾರ ಕಂಡೆ. ಗುಡಿಯ ಗರ್ಭದ ಗಂಟೆಯ ಮಾರ್ದನಿಯಲಿ ಮಾದವತೆ ಕಂಡೆ. ಎಲ್ಲವ ಕಂಡರೂ ಅಸ್ತಿತ್ವವ ಹುಡುಕುತ ಕುಳಿತೆ.. ನಗ್ನತೆಯ ಬದುಕೆ ದೇವರೆಂಬುದು ನಾನರಿತೆ..
----------------------------------
ನೋಂದಣಿ ಐಡಿ : KPFS2-8388