ನಿತ್ಯ ಸತ್ಯ
ರಚನೆ : ಡಾ. ವೇದ ವಿ ಪುರೋಹಿತ
----------------------------------
ಜೀವನದ ಅನಿಶ್ಚಿತೆಯ ಭಯವುಂಟು ಎಲ್ಲರಿಗೂ ಆದರೂ ನೀನೇಕೆ ಅಂಜುತಿರುವೆ!? ಕಷ್ಟಕಾರ್ಪಣ್ಯಗಳು ಎಲ್ಲರಿಗೂ ಉಂಟೆಂಬ ವಾಸ್ತವದ ಸಂಗತಿಯ ಮರೆಯುತಿರುವೆ.!! ಆಸೆ ಕನಸುಗಳೆಂಬ ಗಾಳಿ ಗೋಪುರ ಕಟ್ಟಿ, ಇರುವ ಸಂತಸಗಳನು ದೂರ ಸರಿಸಿ, ಇನ್ನಷ್ಟು ಮತ್ತಷ್ಟು ಸುಖಕಾಗಿ ಹಂಬಲಿಸಿ ಬಾಳ ಓಟದ ಪಂದ್ಯ ಮಾಡುತಿರುವೆ |೧| ದುಃಖ ಸುಖಗಳು ಎಲ್ಲ ಕರ್ಮದಾ ಫಲಗಳು, ಗಳಿಸಿದ್ದು ಉಣಬೇಕು ಎಂಬ ತಥ್ಯ, ತಿಳಿದು ಮುನ್ನಡೆಯುತಿರು ಪರರಿಗುಪಕರಿಸುತಿರು ಇದೇ ತಾನೆ ಜೀವನದ ನಿತ್ಯ ಸತ್ಯ |೨| ಅನುದಿನವು ಎಲ್ಲರನು ಕಾಯುವ ಕೈಗಳು ನಿನ್ನನ್ನು ಎಂದೆಂದೂ ಕಾಯುತಿಹವು. ಕಾಯುವಾ ಕೈಗಳಿಗೆ ಕೈಮುಗಿದು ತಲೆ ಬಾಗಿ, ನಿಶ್ಚಿಂತನಾಗಿರು ನೀ ಎಲ್ಲ ಮರೆತು |೩|
----------------------------------
ನೋಂದಣಿ ಐಡಿ : KPFS2-8028