ಏಕಾಂತಕ್ಕೆ ಜೊತೆಯಾದ ಒಳಮನ
ರಚನೆ : ಶೋಭಾ ಎಸ್ ಬಂದಗಿ
----------------------------------
ಓ ಅಂತರಾತ್ಮವೇ. ಇಹರೇ ನನಗಿಲ್ಲಿ ನಿನ್ಹೊರತು ಆಪ್ತರು? ಕಂಡಿಹೆನು ನಿನ್ನೊಳಗೇ ದೈವವ ನೂರು ನಡೆದರೂ ನೀನೇ.. ಎಡವಿದರೂ ನೀನೇ.. ನಾ ಆರಿಸಿದ ದಾರಿಯಲ್ಲವೇ ಜೊತೆ ಬರಲು ನಿನ್ಹೊರತು ಇರುವರಿನ್ಯಾರು? ಇರುವರಿನ್ಯಾರು? ಏಕಾಂತದಲಿ ಸುರಿವಾಗ ಕಣ್ಣಿಂದ ನೀರು ರಮಿಸಿದೆ ನೆಟ್ಟು ಭರವಸೆಯ ಬೇರು ಜಗದಲ್ಯಾರು ದೂರಿದರೇನು? ಜೊತೆ ತೊರೆದರೇನು? ಒಳಮನವರಿತವ ನೀನೇಯಲ್ಲವೇ.. ಕೃತಜ್ಞತೆಗೆ ನಿನಗಿಂತ ಅರ್ಹರಿನ್ಯಾರು? ಅರ್ಹರಿನ್ಯಾರು?
----------------------------------
ನೋಂದಣಿ ಐಡಿ : KPFS2-6636