ಮಳೆ ವಿನಂತಿ
ರಚನೆ : ಜ್ಯೋತಿ ಮಾ ಮೂಲಿಮನಿ
----------------------------------
ಬಾರಯ್ಯ ಮಳೆರಾಯ ಈ ಭೂಮಿಗಿಂದು ಬತ್ತಿದೆದೆಯಲಿ ಬಿತ್ತು ಮಳೆ ಹನಿಯ ಬಿಂದು ಇಳಿಮುಖಗೊಳ್ಳದೆಲೆ ಭಾಸ್ಕರನ ಕೋಪ ತಡೆಯಲಾಗುತಲಿಲ್ಲ ಅವನೊಡಲ ತಾಪ ಬಾಯಾರಿ ಕುಂತಾಳ ಭೂತಾಯಿ ಪಾಪ ದಯಮಾಡಿ ಕೃಪೆ ದೋರು ಈ ಭೂಮಿಗೆ ಸ್ವಲ್ಪ ಬದುಕಲಾಗದೆ ತಾನು ಹಸಿರೆಲೆಯ ಚಿಗುರು ಮಡಿದು ಮರೆಯಾಗುತಲಿಹುದು ಧರೆಯೊಡಲ ಹಸಿರು ಹಾರಿಹೋಗುತಲಿಹುದು ಕೆಸರೊಳಗಿನುಸಿರು ಹೇ ವರುಣದೇವನೇ ಉಳಿಸುಸಿರ ಹೆಸರು ವಸುಂಧರೆಯ ನಗುವಿಗೆ ಕಾರಣನೇ ನೀನು ಈ ನಿನ್ನ ಬಿಗುಮಾನ ತರವಾದುದೇನು ಸಾಕು ಸಾಕಿನ್ನು ವರವಾಗು ನೀನು ಹರಸಿ ಹಾರೈಸುತ ಸುರಿಸು ಶುಭ ಹನಿಗಳನ್ನು..
----------------------------------
ನೋಂದಣಿ ಐಡಿ : KPFS2-2399