ತೇಜಸ್ಸು
ರಚನೆ : ಪ್ರಮೋದ ತಾಡಪತ್ರಿ
----------------------------------
ವದನದ ತೇಜಸ್ಸು ಆಂತರ್ಯದ ಬಿಂಬವೋ ಸೂರ್ಯನ ಕಿರಣಗಳ ಪ್ರತಿಬಿಂಬವೋ ಒಳಗಿನ ಜ್ವಾಲೆಯ ಜೊತೆ ಸೂರ್ಯನು ಸೇರಿದರೆ ಕಾಣುವ ಬೆಳಕೇ ತೇಜವೇ! ಕಾಣುವುದೆನ್ನುವುದು ಹೊರಗಣ್ಣ ಭ್ರಾಂತಿಯೇ? ಅದೊಂದು ಆಂತರ್ಯದ ಅನುಭೂತಿಯೇ! ಕತ್ತಲಲ್ಲಿ ತೇಜಸ್ಸು ನೋಡಲಾಗುವುದೇ? ಜ್ವಾಲೆ ಒಳಗಿರಲು ನೋಟ ಹೊರಗೇಕೇ! ದೀಪದ ಬುಡದಲ್ಲಿ ಕತ್ತಲಿರುವ ಹಾಗೆಯೇ ಕಣ್ಣಿಗೆ ಕಾಣುವುದೆಲ್ಲ ಬರೀ ಅಂಧಕಾರವೇ ಒಳಗಿನ ಜ್ಞಾನಜ್ಯೋತಿ ಬೆಳಗಿದೊಡನೇ ಹೊರಗಣ್ಣಿಗೆ ಕಾಣುವ ಬೆಳಕು ಅವಶ್ಯಕವೇ?
----------------------------------
ನೋಂದಣಿ ಐಡಿ : KPFS2-2347