ಅಮ್ಮನೆಂದರೆ ಸಾಕೇ
ರಚನೆ : ಸುಜಾತಾ ಕೆ.ಎಸ್.
----------------------------------
ಮಗುವಿನಂತೆ ಬೆಚ್ಚಗಿರಲು ನನಗಾಸೆ ನನ್ನಮ್ಮನ ಮಡಿಲಲಿ ಮಲಗುವಾಸೆ ಚಾಚಿದ ಕೈಗಳಿಂದ ತಬ್ಬಿಕೊಳ್ಳುವಾಸೆ ||ಮಗು || ಇಂದಿಗೂ ಎಂದಿಗೂ ಹಾರೈಸುವ ತಾಯಿ ಬೆನ್ನಿಗೆ ನಿಂತು ಬೆಂಬಲಿಸುವ ಮಹದಾಯಿ ಹೆಣ್ಣು ಮಕ್ಕಳೆಂದು ಕಡೆಗಣಿಸದೆ ಸಾಕಿದ ಶಾಂತಮಯಿ ||ಮಗು|| ಪ್ರತಿ ಪ್ರಯತ್ನದಲ್ಲೂ ಹುರಿದುಂಬಿಸುವಾಕೆ ಮೊಮ್ಮಕ್ಕಳಿದ್ದರೂ ಮಗಳದು ಎನ್ನುವಾಕೆ ಇಂಥಾ ಪ್ರೀತಿಯ ಮುಂದೆ ಬೇರೆಲ್ಲಾ ಏಕೆ ||ಮಗು || ಸಾಕಲು ಯಾರನ್ನು ಕಾಡಿಲ್ಲ ಬೇಡಿಲ್ಲ ಮಕ್ಕಳು ನೌಕರರೆಂದು ಹಮ್ಮು ಇಲ್ಲವೇ ಇಲ್ಲ ಅವಳ ಮಹಿಮೆಯ ದೇವರೇ ಬಲ್ಲ ||ಮಗು ||
----------------------------------
ನೋಂದಣಿ ಐಡಿ : KPFS2-2310