ಮಾಧವನ ಮನದರಸಿ
ರಚನೆ : ಹೇಮಂತ್ ಸಾಗರ್.ಎನ್
----------------------------------
ಮಾಧವನ ಅಂಗಳದಲ್ಲಿ ಸಿಕ್ಕ ಮನದರಸಿ ನೀನು ಮನದಂಗಳದ ದೇಗುಲಕೆ ಆದೆ ದೇವತೆ ನೀನು ಮುಂಗುರುಳಂಚಲ್ಲಿ ಹೊಮ್ಮಿದ ಆ ನಿನ್ನ ಚೆಲುವು ಅಂದೇ ಶುರುವಾಯಿತು ನನ್ನಲ್ಲಿ ಉಲ್ಲಾಸದೊಲವು ಮತ್ತೆ ತಿರುಗಿ ನೋಡುವಂತೆ ಮಾಡಿದೆ ನೀ ಮೋಡಿ ನನಗರಿವಿಲ್ಲದೆ ಹರಿದು ಬಂತು ಪ್ರೀತಿಯ ಕೋಡಿ ನಿನ್ನ ಕಣ್ಣ ಸುಳಿಯಂಚಲ್ಲಿ ಹೊಮ್ಮಿದ ಆ ಕಿರಣ ನಿನ್ನವನಾಗಲು ಬೇರೇನು ಬೇಕು ಹೇಳು ಕಾರಣ ಹುಣ್ಣಿಮೆ ಚಂದ್ರನ ಬೆಳದಿಂಗಳಾಗು ನೀನು ನಿನ್ನ ತಲುಪಲು ಭೋರ್ಗರೆವ ಕಡಲಾಗುವೆ ನಾನು ಕಣ್ಮನ ಸೆಳೆಯುವ ನಗುಮುಖದ ತಾರೆ ನೀನಾದೆ ನನ್ನೊಳಗೆ ಭೂಲೋಕದ ಅಪ್ಸರೆ ನನ್ನರಸಿಯ ಚೆಲುವಿನ ವರ್ಣನೆ ಆದಿಪುರುಷನೇ ನಿನಗೆ ಅರ್ಪಣೆ
----------------------------------
ನೋಂದಣಿ ಐಡಿ : KPFS2-9545