ನೀನಾಗುವೆಯ ಮಳೆ?
ರಚನೆ : ಸುಷ್ಮರಾಣಿ ಜಿ
----------------------------------
ಪುಟ್ಟಿದಂದೇ ಕಿವಿಗೆ ಊದಿದರು ನಿನ್ನ ನಾಮ,ಕುಲಕಸುಬ,ತಾಣ,ಮಿತಿಯ. ಏರಿದರು ಮೂಢ ಸಿದ್ಧಾಂತವ ಬೆನ್ಮೇಲೆ ಮತ್ತೆಂತೂ ಕಾಣುವುದು ನಿನ್ನಕ್ಷಿ ಆಶಾಗಸವ? ಕೈಗೆಟುಕುವುದೇ ಹಾರುವ ಪಕ್ಕಿ ಸ್ವಾತಂತ್ರ? ಬಯಸುವುದೇ ಕಗ್ಗತ್ತಲ ಚಿತ್ತ ಚಂದ್ರ ತಾರೆಯ? ಬಿದ್ದು ಏಳ್ದು ಓಡಿ ಬೆಮರಿ ಮುಳ್ಳು-ಕಲ್ಲು ಚುಚ್ಚಿ ಕಣ್ಮರೆಯಾಯ್ತಲ್ಲ ಪಸಿರ ಉಸಿರು! ಇನ್ನುಮ್,ಕಾಯುವೆಯ ಮಾಯ ಪವಾಡವ? ಪಿಂತೆಂದು ಬಾರದ ಅವತಾರಿಯ? ಇಲ್ಲದಿರೆ,ಒಡಲ ಭೂಮಿ ಬಿರುಕ ಮುಚ್ಚಿ, ಪಸಿರ ಉಸಿರ ಚೆಲ್ಲಿ,ಅಜ್ಞಾನ ಬೆನ್ಬಾರ ಕೆಡವಿ, ಜ್ಞಾನ ಸುಮ ಅರಳಿ, ಸ್ವಧರ್ಮ ಸುಗಂಧ ಸೂಸೋ ಮಳೆ ನೀನಾಗುವೆಯ?
----------------------------------
ನೋಂದಣಿ ಐಡಿ : KPFS2-8809