ಜಿಪುಣನಲ್ಲ - ಅವನೇ ಅಪ್ಪ!!
ರಚನೆ : ನೆಂಪು ಕೃಷ್ಣ ಭಟ್ಟ
----------------------------------
ಮನೆಮಂದಿಗೆಲ್ಲ ಹೊಸಬಟ್ಟೆ ಕೊಡಿಸಿ ತಾನು ಅದೇ ಹಳೇ ಬಟ್ಟೆಯಲ್ಲಿರುವವ ಜಿಪುಣನಲ್ಲ - ಅವನೇ ಅಪ್ಪ! ತನ್ನಿಷ್ಟದ ವಸ್ತು ಕಂಡರೂ ಕಿಸೆಯಲ್ಲಿ ಕಾಂಚಾಣ ಇದ್ದರೂ ಕೊಳ್ಳದೇ ಮುಂದಡಿ ಇಡುವವ ಜಿಪುಣನಲ್ಲ - ಅವನೇ ಅಪ್ಪ! ಮಕ್ಕಳ ಕನಸುಗಳನ್ನು ನನಸು ಮಾಡಲು ತನ್ನ ಕನಸನ್ನೇ ಅಡ ಇಡುವವ ಜಿಪುಣನಲ್ಲ - ಅವನೇ ಅಪ್ಪ! ಕರುಳಕುಡಿಯನ್ನು ಧಾರೆಯೆರೆದು ಉಕ್ಕಿ ಬರುವ ಅಳುವ ನುಂಗಿ ಮರೆಯಲ್ಲಿ ಮರುಗುವವ ಜಿಪುಣನಲ್ಲ - ಅವನೇ ಅಪ್ಪ!
----------------------------------
ನೋಂದಣಿ ಐಡಿ : KPFS2-7278