ತಾಯಿ ಭಾರತಿಗೆ ಕನ್ನಡದಾರತಿ
ರಚನೆ : ಎನ್. ಶಂಕರ ರಾವ್
----------------------------------
ತಾಯೆ ನಿನ್ನಯ ಒಲವ ಮಡಿಲಲಿ ಜನುಮ ಪಡೆದುದೆ ಪುಣ್ಯವು/ ಕಾಯೆ ನಮ್ಮನು ಚೆಲುವ ನಾಡಲಿ ಮತಿಯ ನಿತ್ತು ಅನುದಿನವು// ಸರ್ವ ಜನಾಂಗದ ಮನದಿ ಸಂತಸ ತರಲು ಅನುಗ್ರಹಿಸು// ಭವ್ಯ ಭಾರತದ ನೆಲದಿ ಜನಿಸುವ ಭಾಗ್ಯ ನೀಡಿ ಉದ್ಧರಿಸು// ಸಾಂಸ್ಕೃತಿಕ ಸಂಪತ್ತಿನ ಸಿರಿಯಲಿ ಶ್ರೀಗಂಧದ ತವರಿನ ಪರಿಯಲಿ/ ಸಿರಿಗನ್ನಡ ಸಿರಿತನದ ವೈವಿಧ್ಯಮಯ ಸೊಬಗಲಿ ಮೆರೆದಿದೆ ಕಲಾವಂತಿಕೆ ಕರುನಾಡಲಿ//. ಹಸುರಿನ ವನ ಖನಿಜದ ಶಿಖರಗಳಲಿ ಕಾವೇರಿ ಕೃಷ್ಣೆ ಶರಾವತಿ ನದಿ ನೀರಿನ ತಟದಲಿ/ ಕಲೆ ಸಾಹಿತ್ಯ ಸಂಗೀತ ನೃತ್ಯ ಸಂಸ್ಕೃತಿಯಲಿ ಶರಣ ದಾಸರ ಕವಿ ಕೋಗಿಲೆಗಳ ಬೀಡಲಿ ಕನ್ನಡ ನಾಡಲಿ//. ಪಾವನ ವಾಯಿತು ತನು ಮನ ಕನ್ನಡ ತಾಯಿಯ ಮಡಿಲಲಿ./
----------------------------------
ನೋಂದಣಿ ಐಡಿ : KPFS2-6989