ವಸುಂಧರೆ.. ನಗಬಾರದೇಕೆ ನೀನು..!?
ರಚನೆ : Varun R Bhat
----------------------------------
ವಸುಂಧರೆ.. ನಗಬಾರದೇಕೆ ನೀನು..!? ಮಳೆಗೆ ಮುಳುಗಿ ಮತ್ತೆ ಬಾಯಾರಿಕೆ ಎನ್ನುತಿರುವೆ.. ಗಾಳಿಗೆ ನಿನ್ನೊಡಲು ನಲಿಯಲು ನೀ ಉಸಿರಿಲ್ಲ ಎನ್ನುತಿರುವೆ.. ನೀರಿಂಗಿ ಮೈತಣಿದಿರಲು ಧಗೆಯಿಳಿದಿಲ್ಲ ಎನ್ನುತಿರುವೆ.. ಹಸಿರಿನಲಿ ಮೈತುಂಬಿರಲು ಮನಬೇಯುತಿದೆ ಎನ್ನುತಿರುವೆ.. ವಸುಂಧರೆ.. ನಗಲಾರೆಯಾ ನೀನು..!? ಜೀರ್ಣಿಸಲಾಗದೇ ಉಳಿದವೆಲ್ಲವ ಹೊರಹಾಕಿ ನೀನಿಷ್ಟಪಟ್ಟ ಆ ನೆಮ್ಮದಿಯ ಬದುಕಿಗೆ ಮರಳಿ ಮತ್ತೆ ಮೊದಲಿನಂತೆ ನಗಬಾರದೇಕೆ ನೀನು..!?
----------------------------------
ನೋಂದಣಿ ಐಡಿ : KPFS2-6316