ಪ್ರಶ್ನಿಸಬಾರದೆ?
ರಚನೆ : ಮು.ನಾ. ರಮೇಶ
----------------------------------
ನನ್ನನ್ನು ದುಡಿಯಲು ಕಳುಹಿಸಿ ನೀನು ಕುಡಿಯಲು ಕುಳಿತರೆ ಪ್ರಶ್ನಿಸಬಾರದೆ ? ಮುಸುರೆ ತಿಕ್ಕಿ, ಬುಗುಡಿ ಕೊಳ್ಳುಲು ಕೂಡಿಟ್ಟ ಹಣವ ನೀನು ಚಟಕ್ಕೆ ಕದ್ದರೆ ಪ್ರಶ್ನಿಸಬಾರದೆ? ಉಳಿದವರ ಮಕ್ಕಳಂತೆ ನನ್ನ ಮಗು ಶಾಲೆಗೆ ಹೋಗಲು ಬಯಸಿದಾಗ ನೀನು ಬೇಕರಿ ಕೆಲಸಕ್ಕೆ ಹಚ್ಚಿದ್ದನ್ನು ಪ್ರಶ್ನಿಸಬಾರದೆ ? ದುಡಿದು,ದಣಿದು,ಕುಸಿದು,ನೆಲಕ್ಕೊರಗಿದಾಗಲೂ ನೀನು ನಡೆಸುವ ಅಮಲಿನ ಅತ್ಯಾಚಾರಗಳ ಪ್ರಶ್ನಿಸಬಾರದೆ ? ನಿಜ, ನನಗೆ ಸೋತು, ಸತ್ತು ಸಾಕಾಗಿದೆ! ಕಾಸಗಲ ತಾಳಿಗೆ ಕೊರಳೊಡ್ಡಿರುವ ಒಂದೇ ಕಾರಣಕ್ಕೆ ಒಮ್ಮೆಯೂ ಪ್ರಶ್ನಿಸಬಾರದೆ ? ಕಿತ್ತೆಸೆದರೇನಾದೀತೆಂದು ಯೋಚಿಸಬಾರದೆ ?
----------------------------------
ನೋಂದಣಿ ಐಡಿ : KPFS2-8686