ಬದುಕು
ರಚನೆ : ಪೂಜಾ ಷಣ್ಮುಖ
----------------------------------
ಮಲ್ಲಿಗೆ ಸಂಪಿಗೆ, ನಿನ್ನೊಲವು ಯಾರಿಗೆ ? ಶಿವನ ಜಡೆಗೋ ? ಹೆಣ್ಣಿನ ಮೂಡಿಗೋ ? ಕಿತ್ತಳೆ ಬಾಳೆ, ನೀವ್ಯಾರ ಸೇರುವಿರಿ ? ಶಿವನ ನೈವೇದ್ಯಕ್ಕೋ ? ಹಸಿದ ಜಠರಕ್ಕೋ ? ಹಾಲೇ, ಮೊಸರೇ, ನೀವ್ಯಾರ ಪಾಲೋ ? ಶಿವನ ಅಭಿಷೇಕಕ್ಕೋ ? ಸೊರಗಿದ ಗಂಟಲಿಗೋ ? ಧೂಪವೇ, ಕಾರ್ಪೂರವೇ , ನಿಮ್ಮ ತ್ಯಾಗ ಯಾರಿಗೆ ? ಶಿವನ ಪೂಜೆಗೋ ? ಮಸಣ ಸೇರುವ ದೇಹಕ್ಕೋ ? ಶಿವನೊಲುಮೆ ಬೇಕು, ಜಡ ದೇಹಕ್ಕೂ ಬೇಕಲ್ಲವೇ ? ಯಾರ್ಯಾರ ಪಾಲು ಯಾರಿಗೆ ? ತಿಳಿಯೋ ಸಮಯವೇ ಬದುಕಲ್ಲವೇ ?
----------------------------------
ನೋಂದಣಿ ಐಡಿ : KPFS2-8281