ಡಿಜಿಟಲ್ ಮಾಯೆ
ರಚನೆ : ಆಕಸ್ಮಿತ ಪ್ರದೀಪ್
----------------------------------
ಕೈಯಲ್ಲಿರುವ ಮೊಬೈಲ್ ಒಳಗೆ ಸೃಷ್ಟಿಯಾಗಿದೆ ಹೊಸ ಲೋಕ, ಬೆರಳ ತುದಿಯಲಿ ವಿಶ್ವ, ನಿಜ ಬದುಕಿಗೆ ಬಂದಿದೆ ಲೋಪ. ಹಸಿರು ಕಾಣದ ಕಣ್ಣುಗಳಿಗೆ ಈ 'ನೀಲಿ ಬೆಳಕೇ' ಆಸರೆ, ಕಿವಿಯಲಿ ಇಯರ್ಫೋನ್, ಮೌನದಿ ಮುಚ್ಚಿದೆ ಮನದ ಬಾಗಿಲು. ಸಂಬಂಧದ ಆಳ ಅಳೆಯದೆ 'ಲೈಕ್'ಗಳೇ ಬಹುಮಾನ, ನೆರೆಮನೆಯ ನೋವಿಗೂ 'ಸ್ಕ್ರಾಲ್' ಮಾಡಿ ಸಾಗುತಿದೆ ಮನ. ಕಳೆದುಕೊಂಡ ಕ್ಷಣಗಳೆಷ್ಟೋ, ಧ್ಯಾನವಿಲ್ಲದ ಪಯಣ, ಯಾಂತ್ರಿಕವಾಗಿ ಸಾಗುತಿದೆ ಯಂತ್ರದ ಬದುಕಿನ ವಾತಾವರಣ. ಹಳೆಯ ಹಾಡು ಮರೆತು, ಹೊಸ ನೋಟಿಫಿಕೇಷನ್ ರಾಗ, ಹೃದಯದ ಭಾಷೆ ಮಾಸಿ, ಎಮೋಜಿಗಳ ಸಂವಾದದ ಆಗರ. ಜೀವನದ ಸತ್ಯವ ಅರಿತು, ಬೇಲಿಯನು ದಾಟು, ಈ ಯಂತ್ರವನ್ನು ಗೆಲ್ಲಲು ನೀನು 'ಹ್ಯೂಮನ್ ಟಚ್' ಕೊಡಲು. ಈ ಡಿಜಿಟಲ್ ಗುಲಾಮಗಿರಿಯಿಂದ ನೀನು ಹೊರ ಬರಲೇ ಬೇಕು, ಎದ್ದು ನಿಲ್ಲು, ಜಗವ ನೋಡು, ಈಗಲೇ ಮೊದಲು,ಬದುಕಲು!
----------------------------------
ನೋಂದಣಿ ಐಡಿ : KPFS2-7737