ಅಮ್ಮ
ರಚನೆ : ಅಂಬಿಕಾ ಗಾಣಿಗ
----------------------------------
ಬಸಿರೊಳಗಿಟ್ಟೆ, ಉಸಿರನೆರೆದು ಜೀವ ಕೊಟ್ಟೆ, ಮೊಳೆಯನೂಡಿ, ಮುತ್ತನಿಟ್ಟೆ, ತುಟಿಯ ತೇವ ಆರಿತಷ್ಟೇ, ಒಂಟಿ ಮಾಡಿ ಹೊರಟೇ ಬಿಟ್ಟೆ! ಯಾಕಮ್ಮಾ.... ನನ್ನ ಮೇಲೆ ನಿನಗಷ್ಟು ಸಿಟ್ಟೆ? ಒಂಟಿಯೆಂದರೆ ಒಂಟಿಯೇನಲ್ಲ! ತಬ್ಬಲಿಗೆ, ಸುತ್ತಲಿನವರ ಪ್ರೀತಿ ಸಿಕ್ಕಿತ್ತು, ಆದರೂ ನಾ ಗೆದ್ದಾದ, ಸೋತಾಗ, ನಗುವಾಗ, ಅಳುವಾಗ, ಕರೆದಾಗ, ನೆರೆದಾಗ,ಕನವರಿಸುವಾಗ ನಿನ್ನ ಮಡಿಲು ಬೇಕಿತ್ತು ಮರಳಿ ಬಾ- ನನಗಾಗಿ ತಾ, ಮಮತೆಯ ಕೌಸ್ತುಭ! ಮಾಡು ಮತ್ತೆ ಜೀವನ ಪಾವನ ಕನಸ ತೊಟ್ಟಿಲ ಕಟ್ಟಿ ಕಾಯುತ್ತಿರುವೆ ನಾ
----------------------------------
ನೋಂದಣಿ ಐಡಿ : KPFS2-7670