ಭರವಸೆಯೇ ಜೀವನ
ರಚನೆ : ಧನುಷ ಕೆ
----------------------------------
ಜೀವನವೆಂದರೆ ಭರವಸೆಯ ಒಂದು ಹಸಿರು ಚಿಗುರು, ಇಂದಿನ ನೋವಿಗಿಂತ ನಾಳೆಯ ನಗುವೇ ಹಿಗುರು. ಕತ್ತಲೆ ಕರಗುವುದು, ಬೆಳಕು ಮೂಡುವುದು ಖಚಿತ, ಮುಂಜಾವಿನ ಹೊಂಗಿರಣವೇ ನಮ್ಮ ಬದುಕಿನ ಪಥ. ಬಂದು ಹೋಗುವ ಜನರೆಲ್ಲಾ ಪಯಣದ ಗುರುಗಳು, ನೀಡುವರು ಪಾಠ, ತೆರೆಯುವರು ಹೊಸ ಬಾಗಿಲುಗಳು. ಕೆಲವರು ನೆರಳಾಗಿ, ಕೆಲವರು ಬಿಸಿಲಿನ ಜ್ವಾಲೆಯಾಗಿ, ರೂಪಿಸುವರು ನಮ್ಮನು ನಿತ್ಯವೂ ಹೊಸದಾಗಿ. ನಗುವಿನ ದೀಪ ಹಚ್ಚಿ ಸಾಗುವುದೇ ಜೀವನ, ಅದರಲ್ಲೇ ಅಡಗಿದೆ ಸುಖದ ಸಿಹಿ ಸ್ಪಂದನ. ಒಂದು ಘಟನೆಯೇ ಪೂರ್ಣ ಜೀವನದ ಚಿತ್ರವಲ್ಲ, ಅದು ಕೇವಲ ಒಂದು ಅಲೆ, ಇಡೀ ಸಾಗರವಲ್ಲ. ಆ ನೋವಿನ ತೀರದಲ್ಲೇ ನಿಂತು ಕಾಲ ಕಳೆಯದಿರು, ಭರವಸೆಯ ದೋಣಿ ಏರಿ, ಮುಂದಕೆ ಸಾಗುತಿರು.
----------------------------------
ನೋಂದಣಿ ಐಡಿ : KPFS2-6522